Geloofsbelydenis

‘n Geloofsbelydenis is ‘n formele verklaring van ‘n geloofsgemeenskap se geloof en leerstellings. Dit dien as ‘n handleiding vir gelowiges oor wat die gemeenskap glo en onderrig, en kan dikwels as ‘n grondslag dien vir die leer en praktyk van die geloof. Geloofsbelydenisse kan verskillende vorme aanneem, van kort en eenvoudig tot langer en meer gedetailleerd, afhangende van die spesifieke geloofsgemeenskap se behoeftes en oortuigings. Die doel van ‘n geloofsbelydenis is om ‘n gemeenskap van gelowiges te verenig in hul geloof, en om ‘n rigtinggewende beginsel te bied vir die interpretasie van die Heilige Skrif en die praktyk van die geloof.

Wat glo ons?

• Die Goddelike inspirasie van die Bybel, die Heilige Skrif
• God, ewigdurend bestaande in drie persone nl. Vader, Seun en Heilige Gees
• Die Here Jesus Christus, die Eniggebore Seun van die Vader, wat ontvang is van die Heilige Gees, gebore uit die maagd Maria, gekruisig en begrawe is, wat opgestaan het uit die dode, opgeneem is na die Hemel en nou aan die regterhand van God die Vader sit.
• Aan die bestaan van die Satan.
• Sondeval van die mens en sy verlore toestand van natuur.
• Bekering deur versoening met God
• Wedergeboorte en die doop van die gelowiges deur die Heilige Gees in die Liggaam van Christus
• Verlossing deur die bloed van Christus
• Regverdigmaking deur geloof in die Here Jesus Christus
• Waterdoop van die gelowige deur enkelvoudige onderdompeling
• Belydenis van sonde en strewe na heiligmaking.
• Die inwoning deur die Heilige Gees in die gelowige
• Nagmaalbediening
• Die kerk as wedergebore gelowiges in die Here Jesus Christus
• Die persoonlike wederkoms van die Here Jesus Christus om Sy Bruid in die lug te ontmoet (wegraping).
• Die groot verdrukking en heersing van die Antichris in die daaropvolgende 7 jaar.
• Die duisendjarige vrederyk van die Here Jesus Christus onmiddelik na die groot verdrukking
• Die Nuwe Hemel en Nuwe Aarde waarin geregtigheid woon
• Die ewige straf van die goddelose